Në pyetjen e tretë, pas mësimit me titull “I vëmë peshoret e së vërtetës” të Dijetarit të madh, Shejh Ubejd ibën Abdil-lah elXhabiri, All-llahu e ruajttë, në suaza të serisë së mësimeve me titull “Takimet Katarie Selefie”, u tha:

Pyetja:

All-llahu ju dhëntë të mira... Pyetja e tretë:

Shumë të rinj janë futur ta trajtojnë çështjen, që Shejh Rabi’ ibën Hadi elMedkhali, All-llahu i dhëntë sukses, e shpall bidatxhi Ali Hasen elHalebiun, dikush duke e përkrahur dhe dikush duke e kundërshtuar. Cili është udhëzimi i hirësisë suaj në lidhje me këtë?

Përgjigjja:

Unë i këshilloj bijtë tanë në Katar dhe në tërë botën, qofshin burra ose gra, që të mos i marrin përsipër çështjet që janë mbi nivelin e tyre, por i këshilloj që, kur të flasë ndonjë dijetar i cili e pason Sunnetin dhe është i njohur me mbështetje në fakte kur gjykon për diçka... i këshilloj që ta pasojnë atë, në mënyrë që të bashkohen Ehlu Sunneti në të vërtetën, në refuzimin e së kotës dhe në urrejtje të bidatit dhe ithtarëve të tij. E, nëse secili grup merr një drejtim dhe një mendim, kjo është gjëja të cilën e dëshirojnë armiqtë e Sunnetit, të cilët i presin shanset për t’i shkatërruar Pasuesit e Sunnetit. Fati më i madh për ta është që të përçahen Pasuesit e Sunnetit dhe të bëhen copë e grimë – siç thuhet.

E dyta: Unë e njoh Shejh Rabi’në ka shumë vite. E njoh për dijetar që mbështetet në argumente. Pasi ta këshillojë kundërshtarin dhe pasi t’i mbarojë durimi... pas kësaj ai e thotë gjykimin tek i cili ka arritur me argumente. Kurse, ne kemi argumente të cilat i dimë para Shejh Rabi’së – vëllait tonë më të madh, All-llahu i dhëntë sukses, si dhe para se ta lexonim shkrimin e tij që nuk e pat bërë publik, ne e dinim se Ali ibën Hasen ibën Ali ibën AbdulHamid, i vetëquajturi “el-Etheri”, nuk është pasues i etherit, por është bidatxhi, i devijuar, devijues, thirrës për në devijim, që bën shkatërrime te njerëzit dhe në tokë.

Përmes tubimit tuaj, si dhe përmes rrjetit esSehab, si dhe faqeve të tjera të internetit që bashkëpunojnë me ta, unë i paralajmëroj të gjithë muslimanët nga ky njeri kudo që të jetë dhe i ftoj që ta urrejnë dhe t’i ndahen atij për hir të All-llahut, deri sa të kthehet në Sunnet dhe të denoncohet nga secili devijim që ai e ka përhapur, në përgjithësi dhe në detaje. Unë, gjithashtu, i paralajmëroj nga qendra e emërtuar “Qendra Imam Albani”, sepse ky emërtim është vetëm kurth, grackë dhe rrjet të cilin e hedh Aliu dhe ithtarët e tij për t’i devijuar muslimanët dhe muslimanet. Pjesë e kësaj që them është edhe ajo që ai i fton tekfirsat për të mbajtur ligjërata aty. Paralajmërojmë nga kjo qendër, deri kur ajo të përmbushë dy kushte:

Kushti i parë: Atë ta marrin në dorë djemtë e Shejhut (el-Albani). Ne e njohim dhe kemi dëgjuar për djalin e tij AbdulMusavvir, i cili e ka mbaruar Fakultetin e Hadithit në Universitetin Islamik në Medinë dhe prej tij shpresohen mirësi, në dashtë All-llahu i Lartësuar.

Kushti i dytë: Mësimet aty t’i mbajnë dijetarë të vlershëm, të cilët do ta afirmojnë menhexhin selefij.

Kurse tani, jo dhe njëmijë herë jo. Në atë qendër marrin pjesë vetëm njerëz që nuk kuptojnë, ose të atillë që bëjnë lojëra dhe aty e gjejnë qëllimin e vet për përhapjen e ëndjeve.

Transkriptoi: Ebu Ubejde Munexhxhid ibën Fadl elHaddad

E hënë 3 Dhul Ki’de 1431h.

Marrë nga:

http://www.sahab.net/forums/showthread.php?t=382457.

Përktheu: Xhemal N. Jakupi

4 Dhul Ki’de 1431h

(12.10.2010G)