Transmeton Bejhakiu në Sunenin e tij nga Ueki’u, i cili thotë: “U fala në xhaminë e Kufës. Aty pashë Ebu Hanifen duke u falur dhe afër tij falej edhe Abdullah ibën Mubarek. Abdullah Ibën Mubarek i ngrinte duart sa herë që shkonte në ruku dhe çohej prej saj, kurse Ebu Hanife nuk i ngrinte duart. Kur e përfunduan namazin, Ebu Hanifja i tha Abdullah ibën Mubarekut: ‘O babai i AbduRrahmanit! Të pashë se i ngrije duart shpesh në namaz. A mos deshe të fluturosh?’

Abdullah ibën Mubarek i tha: ‘O Ebu Hanife! Të pashë se i ngrije duart kur hyre në namaz (në tekbirin fillestar), a deshe të fluturosh edhe ti?’ Kështu, Ebu Hanifja heshti. 

Uek’iu tha: ‘Nuk kisha parë përgjigje më të shkurtër se përgjigjja e Abdullah ibën Mubarekut ndaj Ebu Hanifes.’”

Burimi: Takhrixhu Ehadith Ihjai Ulumi Din, vëllimi 1, fq. 348

Përktheu: Jeton Shasivari