Kabja – Allahu ia shtoftë nderimin – në fund të kohës, do të sulmohet nga një njeri prej Etiopie. Profeti - sal-lAllahu alejhi ue sel-lem - e ka përshkruar atë njeri me hollësi. Ai do ta rrënojë Kaben me ushtrinë e tij duke i shkulur gurët e saj një nga një. Ata do të vazhdojnë t’i heqin gurët dhe do t’i hedhin ato në det. Përse do të ndodhë kështu, ndonëse Allahu e ka mbrojtur Kaben atëherë kur banorët e saj ishin mushrikë, e mbrojti atë nga elefantët?!

Ne themi: Allahu e mbrojti atë nga elefantët për një urtësi që Ai e dinte, e ajo është: që kjo Shtëpi e lavdishme të madhërohet dhe nderohet. Por në fund të kohës, banorët e Mekes do ta përbuzin këtë Shtëpi të Shenjtë aq shumë, saqë ajo nuk do të ketë më shenjtëri dhe nuk do të ketë më ardhmëri. Atëherë, do t’i vërsulet Kabes ky etiopiani dhe do ta rrënojë atë duke ia hequr gurët një nga një dhe atë nuk do ta gjejë asnjë e keqe.

💻Përktheu: Jeton Shasivari